संघको सिकोः गण्डकीमा पनि स्वकीय सचिव लिने तयारी

पोखरा । प्रतिनिधि सभाका सांसदहरूलाई स्वकीय सचिवको सुविधा दिने भएपछि गण्डकी प्रदेशमा पनि सांसदहरूलाई स्वकीय सचिव दिने तयारी गरिएको छ ।

यसअघि प्रदेशकै कानुन अनुसार नासुसरह स्वकीय सचिव सुविधा दिइएको थियो । तर, जेनजी आन्दोलनपछि संघ सरकारकै परिपत्रअनुसार स्वकीय सचिवलाई दिइएको सबै सविधा कटौति गरिएको थियो । अहिले संघमा पनि सुविधा दिने गरी मन्त्रिपरिषद् बैठकले पारित गरेर राजपत्रमा प्रकाशन भैसकेको छ । सोही अनुसार प्रदेशका सांसदले स्वकीय सचिव राख्न पाउँछन् । प्रदेश सभाका सचिव गोविन्द पौडेलले स्वकीय सचिवका लागि आवश्यक तलव सुविधा बजेटबाटै व्यवस्थापन गरिसकिएको बताए ।