प्रशिक्षणका लागि पुरुष कबड्डी टोली भारत जाँदै

काठमाडौँ। जापानमा हुने २०औँ एसियाली खेलकुदको तयारी गर्न नेपाली पुरुष कबड्डी टोली बिहीबार भारतको हरियाणा जाने भएको छ।

प्रशिक्षणमा सहभागी हुने खेलाडी घनश्याम रोका मगर, अंकु पुन, आदित चौधरी, प्रकाश गिरी, सुरज बोहोरा, संस्कार कुमार, रवि थारू, अशोक जोशी, सागर यादव, कुमार लामा, गणेश पार्की र करुण रसाइली छन्। घनश्याम, अंकु, रवि र करुण भारतमै प्रशिक्षणमा छन्। घनश्याम हरियाणामै छन् भने बाँकी तीन खेलाडी हिमाचल प्रदेशमा छन्। उनीहरू त्यतैबाट टिमसँग समावेश हुनेछन्।