सडकमा खाल्डाखुल्डी भेटिए राज्यलाई पनि एक लाख जरिवाना हुने कानुन ल्याइयोस्- ज्ञानेन्द्र शाही

प्रतिपक्षी दल राष्ट्रिय प्रजातन्त्र पार्टी (राप्रपा)का संसदीय दल नेता ज्ञानेन्द्र शाहीले नागरिकलाई जस्तै राज्यलाई पनि जिम्मेवार बनाउने गरी कानुन ल्याउनुपर्ने बताएका छन्।

सरकारले ट्राफिक नियम उलंघन गर्ने नागरिकलाई एक लाखसम्म जरिवाना असुल गर्ने लगायतका व्यवस्था गर्न लागेको चर्चाबारे आइतबार प्रतिनिधि सभामा बोल्दै शाहीले नागरिकलाई विभिन्न विषयमा जरिवाना तोक्न लागिएको जस्तै राज्य र सम्बन्धित निकायलाई पनि विषय तोकेर जरिवाना तिराउने कानुन ल्याउनुपर्ने बताएका हुन्।