इजरायली सेनाद्वारा हमास कमाण्डरमाथि कारबाही गरेको दाबी

इजरायली सेनाले शनिबार गाजाको अस्पताल परिसरभित्र एक हमास कमाण्डरमाथि प्रहार गरेको बताएको छ। गाजास्थित स्वास्थ्य अधिकारीहरूले अन्यत्र भएका इजरायली आक्रमणहरूमा तीन जनाको मृत्यु भएको जनाएका छन् ।

सन् २०२५ अक्टोबरमा लागू भएको अमेरिका समर्थित युद्धविरामका बाबजुद युद्धले ध्वस्त बनाएको यस क्षेत्रमा हमासविरूद्धको यो पछिल्लो आक्रमण हो । इजरायलले आफूले आतङ्कवादी लडाकु भनेका प्यालेस्टिनीहरूलाई निरन्तर निसाना बनाइरहेको छ ।