पहिरोले एकसातादेखि तातोपानी नाका ठप्प हुँदा करोडौंका सामान बोकेका कन्टेनर अलपत्र

सिन्धुपाल्चोक । लगातारको वर्षापछि नेपाल–चीन व्यापारको प्रमुख प्रवेशद्वार तातोपानी नाका ७ दिनदेखि ठप्प छ । सडक पहिरो र भासिँदा चीनतर्फ करोडौं रुपैयाँका सामान बोकेका करिब १ सय ५० कन्टेनर रोकिएका छन् । नेपालतर्फ पनि दर्जनौं कन्टेनर अलपत्र परेका छन् ।

भूकम्पयता उठ्न नसकेको तातोपानी बजारमा बर्सेनि दोहोरिने यही समस्या फेरि दोहोरिएपछि व्यापारीले ‘हिरो नाका अहिले जिरो नाका बनेको’ भन्दै सरकारप्रति गुनासो गरेका छन् ।