कम्बोडिया सीमामा थाइल्यान्डले बनायो पहिलो पक्की पर्खाल

७ साउन, काठमाडौं । थाइल्यान्डले कम्बोडियासँगको सीमा क्षेत्रमा स्थायी पर्खालको पहिलो भाग निर्माण पूरा गरेको छ। गत वर्ष दुईपटक भएका हिंस्रक झडपपछि उत्पन्न तनावबीच थाइ सेनाले बुधबार यो जानकारी दिएको हो।

पूर्वी पोङ नाम रोनमा १.३ किलोमिटर लामो संरचना बनाइएको छ। यसमा कङ्क्रिट प्यानल, स्टिल मेस र काँडेतार प्रयोग गरिएको छ। चिफ अफ डिफेन्स फोर्सेज जनरल उक्रित बुन्तानोनले यो पर्खाललाई दीर्घकालीन सुरक्षाका लागि ‘स्थायी, बलियो र टिकाउ’ भनेका छन्।