क्रिकेटर सावित्रीलाई अमरावतीको सम्मान

काठमाडौं । एसीसी महिला यू–१९ प्रिमियर कपमा गरेको ऐतिहासिक प्रदर्शनका लागि अमरावती बुटिक होटलले सावित्री धामीलाई नगदसहित सम्मान गरेको छ।

अमरावती बुटिकले सावित्रीलाई ५० हजारसहित सम्मान गरेको हो। उनले यू–१९ प्रिमियर कपमा उत्कृष्ट प्रदर्शन गर्दै सर्वाधिक रनकर्ता भएकी थिइन्। उनले कुल २ सय ५६ रन जोडिन् र नेपाली महिला यू–१९ क्रिकेटको इतिहासमा कीर्तिमान स्थापित गरिन्।