चुनावअघि कम्युनिस्ट मिलेको भए १०० सिट आउथ्यो, बालेनको 'तानाशाह' चल्ने थिएन– झलनाथ खनाल

नेपाली कम्युनिस्ट पार्टी (नेकपा)का वरिष्ठ नेता झलनाथ खनालले पछिल्लो निर्वाचनमा वामपन्थी शक्तिहरूबीच कार्यगत एकता हुन नसक्दा ठूलो राजनीतिक क्षति व्यहोर्नुपरेको बताएका छन्।

मदन भण्डारी फाउण्डेसनले मदन भण्डारीको ७५औँ जन्मजयन्तीका अवसरमा आइतबार काठमाडौंस्थित राष्ट्रिय सभागृहमा आयोजना गरेको कार्यक्रममा बोल्दै खनालले वाम आन्दोलन इतिहासको मागअनुसार अघि बढ्न नसकेको टिप्पणी गरे।