मिटर ब्याजका लिखत अवैध, होल्डिङ सेन्टरका सुकुम्वासी अब स्थायी ठेगाना तिरै

काठमाडौं । सरकारले मिटर व्याजसम्बन्धि लिखतहरू अवैध हुने घोषणा गरेको छ । मिटर व्याज विरुद्ध आन्दोलन गरिरहेका किसान मजदुर तथा श्रमिकहरूसँग भएको वार्ताको सहमति कार्यान्वयन गर्दै सम्पूर्ण लिखत अवैध घोषणा गरेको हो ।

अनुचित लेनदेन (मिटर ब्याज)बाट प्रभावित नागरिकको माग सम्बोधन गर्ने सम्बन्धमा गठित समिति र मिटर ब्याजविरुद्ध किसान मजदुर आन्दोलनका प्रतिनिधिबीच १ साउनमा भएको सम्झौता अनुमोदन गर्ने र सम्झौतामा उल्लेख भएबमोजिम मिटर ब्याजसँग सम्बन्धित फर्जी लिखतहरू अवैध घोषणा गर्ने निर्णय भएको सरकारका प्रवक्ता एवम् सूचना तथा सञ्चारमन्त्री सस्मित पोखरेलले जानकारी दिए ।