रियल म्याड्रिडका लागि जब एमबाप्पेले माइकल ओलिसेलाई फकाए

स्पेन । स्पेनिस क्लब रियल म्याड्रिड पछिल्लो विश्वकपमा उत्कृष्ट प्रदर्शन गरेका एक विश्वस्तरीय खेलाडीलाई अनुबन्ध गर्ने दिशामा पुगेको बताइएको छ । यस सम्भावित सम्झौतामा फ्रान्सका कप्तान किलियन एमबाप्पेले निर्णायक भूमिका खेलेको दाबी गरिएको छ ।

रियल म्याड्रिडका अध्यक्ष फ्लोरेन्टिनो पेरेज र क्लबको बोर्ड यस गर्मीयाममा चर्चित तथा प्रभावशाली खेलाडी भित्र्याउने योजनामा छन् । लगातार दुई सिजन प्रमुख उपाधिविहीन बनेपछि क्लबले टोलीलाई नयाँ रूपमा सुदृढ बनाउन चाहेको हो ।