घट्यो विदेशी लगानी प्रतिबद्धता

नेपालमा विदेशी प्रत्यक्ष लगानी (एफडिआई) प्रतिबद्धता अपेक्षाअनुसार बढ्न सकेको छैन। सरकारले विदेशी लगानी आकर्षित गर्न कानुनी तथा नीतिगत सुधारका प्रयास गरे पनि आर्थिक वर्ष २०८२/८३ मा विदेशी लगानी प्रतिबद्धता अघिल्लो वर्षको तुलनामा करिब ११ प्रतिशतले घटेको छ।

उद्योग विभागका अनुसार आर्थिक वर्ष २०८२/८३ मा १ हजार १ सय १६ उद्योग तथा परियोजनामा ५८ अर्ब १ लाख ८५ हजार ३०५ रुपैयाँ बराबरको विदेशी लगानी प्रतिबद्धता स्वीकृत भएको छ। अघिल्लो आर्थिक वर्ष २०८१/८२ मा नेपालले करिब ६४ अर्ब ९६ करोड रुपैयाँ बराबरको विदेशी लगानी प्रतिबद्धता प्राप्त गरेको थियो। यसरी एक वर्षमै करिब सात अर्ब रुपैयाँ बढीले लगानी प्रतिबद्धता घटेको छ।