दुबई सरकारको आकर्षक अफर: विदेशी पाहुनालाई घर बोलाए ७८ हजार पाइने !

युद्ध र तनावका कारण प्रभावित बनेको पर्यटन क्षेत्रलाई पुनरुत्थान गर्न दुबई सरकारले एक आकर्षक योजना ल्याएको छ । 'ए दुबई इन्भाइट' कार्यक्रमअन्तर्गत संयुक्त अरब इमिरेट्स (यूएई) मा बसोबास गर्ने बासिन्दाहरूले आफ्ना विदेशी नातेदार वा साथीहरूलाई दुबई बोलाएमा ३,००० दिराम (करिब ७८ हजार नेपाली रुपैयाँ) भन्दा बढी मूल्यका नि:शुल्क भौचरहरू पाउने भएका हुन् ।

प्राप्त रिभार्ड भौचरहरूको प्रयोग होटलमा नि:शुल्क बसाइ, खानपिन र विभिन्न पर्यटकीय स्थलहरूको अवलोकनका लागि गर्न सकिनेछ ।