मर्यादित महिनावारीसम्बन्धी  लुम्बिनी प्रदेशसभा संसदहरुसँग छलफल

बुटवल । राष्ट्रिय सभाबाट पारित भएको मर्यादित महिनावारीसम्बन्धी सङ्कल्प प्रस्तावका विषयमा अब लुम्बिनी प्रदेशसभामा पनि चासो दिदै छलफल गर्नुपर्नेमा प्रदेशसभा सदस्यहरूले जोड दिएका छन्।

‘भन्सारदेखि संसद्सम्मको सहभागिता : मर्यादित महिनावारी’ विषयमा राधा पौडेल फाउन्डेसनले आज बुटवलमा आयोजना गरेको अन्तरक्रिया कार्यक्रममा सहभागी प्रदेशसभा सदस्यहरूले महिनावारीसँग जोडिएका कुरीति र विभेद हटाउन आवश्यक रहेको बताएका हुन्।