उपचाररत कलाकार कोपिला थापालाई बोर्ड सदस्य लोहनीको आर्थिक सहयोग

काठमाडौँ । चलचित्र विकास बोर्डका सदस्य तथा प्रवक्ता एवं फिल्म निर्देशक सन्तोष बाबु लोहनीले उपचाररत कलाकार कोपिला थापालाई आर्थिक सहयोग गरेका छन्। उनले नौवटा नेपाली चलचित्रको जाँचपास गरेबापत प्राप्त सम्पूर्ण भत्ता थापालाई सहयोग गरेका हुन् ।

चलचित्र जाँचपास समितिका सदस्यसमेत रहेका लोहनीले गत असार महिनामा नौवटा नेपाली चलचित्रको जाँचपासबाट प्राप्त गरेको भत्ता चलचित्र कलाकार संघका अध्यक्ष उत्तम केसीको राेबरमा थापालाई हस्तान्तरण गरेका हुन्।