मधेशमा ‘बफर’ कोटाको रासायनिक मल वितरण सुरु, केही दिनमै थप मल आइपुग्ने

कृषि सामग्री कम्पनी लिमिटेड जनकपुरधामले मधेश प्रदेश सरकारद्वारा निर्धारित ‘बफर’ कोटाको रासायनिक मल वितरण सुरु गरेको छ । धान रोपाइँको समयमा रासायनिक मलको अभाव झेलिरहेका धनुषाका किसानलाई लक्षित गरेर स्थानीय तहको सिफारिसका आधारमा बफर कोटाको युरिया र डीएपी रासायनिक मलको वितरण सुरु गरेको हो ।

मधेश प्रदेश सरकारको गत असार ३१ गतेको निर्णयबमोजिम स्थानीय तहगत रूपमा निर्धारण गरिएको बफर कोटाअनुसार युरिया र डीएपी मल बिक्री–वितरण सुरु गरिएको कृषि सामग्री कम्पनी लिमिटेड जनकपुरधामका सूचना अधिकारी बेचन साहले जानकारी दिए ।