देशका प्रमुख नदीमा बहाव सामान्य, २८ जिल्लाका साना खोलामा बाढीको मध्यम जोखिम

काठमाडौँ । बाढी पूर्वानुमान महाशाखाले बिहीबार बिहान ८ बजे जारी गरेको बाढी पूर्वानुमान बुलेटिन अनुसार देशका प्रमुख नदीहरूमा जलसतह सतर्कता तहभन्दा मुनि रहेको छ।

महाशाखाका अनुसार बिहीबार बिहानको मापन गर्दा कोशी, नारायणी, बागमती, कर्णाली र महाकाली नदीसँगै तिनका सहायक नदीहरूमा बहाव सामान्य छ। यसैगरी कन्काई, कमला, बबई, पूर्वी राप्ती र पश्चिम राप्ती नदीमा पनि जलसतह सतर्कता तहभन्दा तलै रहेको छ।