आर्थिक वर्षको अन्त्यमा ३ खर्ब ८५ अर्बले बढ्यो सार्वजनिक ऋण, जीडीपीको ४५ प्रतिशत पुग्यो

काठमाडौं– नेपालको सार्वजनिक ऋण दायित्व आर्थिक वर्ष २०८२/८३ को अन्त्यसम्म २९ खर्ब ७४ अर्ब ९० करोड रुपैयाँ पुगेको छ। आर्थिक वर्षको सुरुवातमा २६ खर्ब ७४ अर्ब ४ करोड रहेको सार्वजनिक ऋण वर्षभरिमा करिब ३ खर्ब ८५ अर्बले बढ्दै कुल गार्हस्थ उत्पादन (जीडीपी) को ४५ प्रतिशत बराबर पुगेको हो।

सार्वजनिक ऋण व्यवस्थापन कार्यालयका अनुसार कुल ऋणमध्ये आन्तरिक ऋण १३ खर्ब ७१ अर्ब १७ करोड र बाह्य ऋण १५ खर्ब ९९ अर्ब ४८ करोड रुपैयाँ रहेको छ। कुल सार्वजनिक ऋणमा आन्तरिक ऋणको हिस्सा ४६।२३ प्रतिशत तथा बाह्य ऋणको हिस्सा ५३.७७ प्रतिशत रहेको छ।