नामिबियासँगको हार भुलाउने दाउमा नेपाल, आज नेदरल्यान्ड्सको कडा चुनौती

काठमाडौँ । आईसीसी क्रिकेट विश्वकप लिग-२ त्रिकोणात्मक एकदिवसीय सिरिजअन्तर्गत नेपालले आज नेदरल्यान्ड्ससँग प्रतिस्पर्धा गर्दैछ । नेदरल्यान्ड्सको यूट्रेक्ट सहरस्थित स्पोर्टपार्क मार्सचालकरविर्डमा हुने यो खेल नेपाली समयअनुसार दिउँसो २:४५ बजे सुरु हुनेछ ।

सिरिजको पहिलो खेलमा नामिबियासँग आठ विकेटको लज्जास्पद हार बेहोरेको नेपाल आज प्रतियोगितामा आफ्नो पहिलो जितको खोजीमा मैदान उत्रिन लागेको हो । सन् २०२७ को विश्वकप छनोटमा सोझै स्थान बनाउन शीर्ष चारमा रहनुपर्ने भएकाले दुवै टोलीका लागि यो खेल अत्यन्तै महत्त्वपूर्ण छ ।