देशको अस्तित्व र संविधानमाथि खतरा बढ्दो छ : झलनाथ खनाल

नेपाल कम्युनिष्ट पार्टीका नेता झलनाथ खनालले मुलुकमा राजनीतिक चुनौतीसँगै देशको अस्तित्व, गणतन्त्र र संविधानमाथि समेत खतरा बढ्दै गएको बताएका छन्।

आइतबार स्वर्गीय मदन भण्डारीको ७५ औँ जन्मजयन्तीका अवसरमा आयोजित कार्यक्रममा बोल्दै नेता खनालले वर्तमान समयमा संविधानलाई समयानुकूल परिमार्जन गर्न सकिने भए पनि त्यसलाई राजनीतिक स्वार्थका आधारमा संशोधन गर्न नहुने बताए। उनले संविधान गतिशील दस्तावेज भएको भन्दै संशोधन गर्न सकिनेभएपनि संवैधानिक मापदण्ड र प्रक्रियामा अघि बढ्नुपर्ने बताए।