सडकमा खाल्डो भेटिए राज्यलाई १ लाख जरिवाना: ज्ञानेन्द्र शाहीको कडा माग !

राप्रपा संसदीय दलका नेता ज्ञानेन्द्र शाहीले सडकमा खाल्डो, बिग्रिएको ट्राफिक बत्ती र सरकारी लापरबाहीका लागि राज्यलाई नै आर्थिक जरिवाना गर्ने कानुन बनाउन माग गरेका छन्।

संसद्मा बोल्दै उनले नागरिकले ट्राफिक नियम उल्लङ्घन गर्दा जरिवाना तिर्नुपर्ने व्यवस्था भएजस्तै सडकमा खाल्डो भेटिए सम्बन्धित निकायले १ लाख रुपैयाँ, ट्राफिक बत्ती समयमै मर्मत नभए १ लाख, सडकबत्ती नबले ५० हजार र ट्राफिक प्रहरीले दुर्व्यवहार गरे ५० हजार रुपैयाँ जरिवाना तिर्नुपर्ने व्यवस्था हुनुपर्ने प्रस्ताव राखे।