इन्धनको मूल्यवृद्धिले आन्तरिक उडानमा ५ लाखभन्दा बढी यात्रु घटे

काठमाडौं । इरानमा इजरायल र अमेरिकाको संयुक्त सैन्य कारबाहीका कारण इन्धनको मूल्यमा भएको उच्च वृद्धिले नेपालको आन्तरिक हवाई क्षेत्रले भर्खरै सकिएको आर्थिक वर्षमा झन्डै साढे ५ लाख यात्रु गुमाएको छ ।

वायुसेवा सञ्चालकहरूद्वारा संकलित तथ्यांकअनुसार, हवाई इन्धनको मूल्य वृद्धिपछि हवाई भाडा ४० प्रतिशतसम्म बढ्दा आर्थिक वर्ष २०८२/०८३ मा नेपाली आन्तरिक उडानका यात्रु संख्या ५ लाख ४० हजारले गिरावट आएको हो । नागरिक उड्डयन प्राधिकरणको तथ्यांकअनुसार, अघिल्लो आर्थिक वर्ष २०८१/०८२ को तुलनामा भर्खरै सकिएको आर्थिक वर्षमा समग्र आन्तरिक हवाई यात्रुको संख्या १२ प्रतिशतले घटेको छ ।