आँखाको बदलामा आँखा लिने तेहरानको चेतावनी

तेहरान । अमेरिका र इरानबिच सैन्य आक्रमण निरन्तर जारी रहँदा दुवै देशका नेताहरूबिच शब्द युद्ध पनि तीव्र बन्दै गएको छ । वासिङ्टन र तेहरानले एक अर्काको कुनै पनि आक्रमणको अझ कडा जवाफ दिने चेतावनी दिएका छन् । जसले क्षेत्रीय तनावलाई थप बढाएको छ ।

इरानका विदेशमन्त्री अब्बास अराघचीले सामाजिक सञ्जाल एक्समार्फत कडा प्रतिक्रिया दिएका छन् । उनले भनेका छन्– ‘हाम्रो रक्षा सिद्धान्त स्पष्ट छ, आँखाको बदला आँखा ।’ इरानको पूर्वाधार वा राष्ट्रिय सम्पत्तिमाथि हुने कुनै पनि आक्रमणको शक्तिशाली र निर्णायक जवाफ दिइने उनले पोस्टमा लेखेका छन् । इरान आफ्नो सार्वभौमिकता र राष्ट्रिय सुरक्षाको रक्षा गर्न पूर्ण रूपमा तयार रहेको पनि उनले उल्लेख गरेका छन् ।