पशु सेवा विभागले भन्यो- १ साउनयता बर्डफ्लु संक्रमण देखिएको छैन

७ साउन, काठमाडौं । देशका विभिन्न भागमा फैलिएर पन्छीपालक किसानलाई गम्भीर असर पुर्‍याएको बर्डफ्लु संक्रमण दर नियन्त्रणमा आउन थालेको छ ।

पशु सेवा विभागका अनुसार १ साउनयता देशको कुनै पनि स्थानमा बर्डफ्लुको नयाँ संक्रमण देखिएको छैन । विभागका महानिर्देशक डा. उमेश दाहालले बर्डफ्लु अहिले पूर्णरूपमा नियन्त्रित अवस्थामा रहेको जानकारी दिए ।