करिब २ डलरको बिस्कुट चोरीको गलत आरोपमा कर्मचारी निष्काशित, ३३ हजार डलरको क्षतिपूर्ति !

एजेन्सी । फोर्ड कम्पनीका ६० वर्षीय पूर्व इलेक्ट्रिसियन कर्ट क्रोम आफूमाथि १.९५ डलरको बिस्कुट चोरी गरेको गलत आरोप लगाएर जागिरबाट निकालिएपछि सो कार निर्माता कम्पनी विरुद्ध मुद्दा दायर गर्ने तयारीमा छन् ।

फोर्डको केन्टकी ट्रक प्लान्टमा उनको ११ वर्ष लामो करियर गत मे महिनामा अचानक समाप्त भयो जब कम्पनीले उनलाई सेल्फ–चेकआउट किओस्कबाट ग्रान्डमाज चकलेट चिप कुकिजको एक प्याकेट चोरी गरेको आरोप लगायो ।