कर्णालीको सामाजिक मन्त्रालय भ्रष्टाचारबाट ग्रसित भएको विपक्षीको आरोप, प्रमाणित गर्न चुनौती

सुर्खेत । विगत केही दिनयता कर्णाली प्रदेश सभामा आगामी आर्थिक वर्ष (२०८३/०८४) को मन्त्रालयगत बजेटमाथिको छलफल जारी छ । शनिबार सामाजिक विकास मन्त्रालय र जलस्रोत तथा ऊर्जा विकास मन्त्रालयको बजेटमाथि छलफल भयो ।

त्यस क्रममा नेपाल कम्युनिस्ट पार्टी (नेकपा) का प्रमुख सचेतक तथा पूर्व कानुनमन्त्री कृष्णबहादुर जिसीले सामाजिक विकासमन्त्री घनश्याम भण्डारीमाथि गम्भीर आरोप लगाए ।