एनआईसी एसिया बैंकको सप्ताहव्यापी कार्यक्रम

काठमाडौं : एनआईसी एसिया बैंकले सप्ताहव्यापी रूपमा विभिन्न कार्यक्रमहरू आयोजना गर्दै २९औं वार्षिकोत्सव मनाएको छ। यसै अवसरमा बैंकले साउन महिनाको पहिलो सोमबार पारेर पशुपति मन्दिर दर्शन गर्ने भक्तजनहरूका लागि खानेपानी वितरण गरेको छ।

त्यसैगरी, बैंकले नेपाल रेडक्रस सोसाइटी, केन्द्रीय रक्तसञ्चार सेवासँगको सहकार्यमा बैंकको केन्द्रीय कार्यालय, कमलादी, काठमाडौंमा रक्तदान कार्यक्रम गरेको छ। उक्त रक्तदान कार्यक्रममा १ सय १ जना कर्मचारी तथा ग्राहकले रक्तदान गरेका थिए।