२० वर्षपछि १९७४ एडीको ‘रक यात्रा’ पुनः सुचारु, सेप्टेम्बर २३ देखि अष्ट्रेलिया टुर

काठमाडौं– नेपाली सांगीतिक १९७४ एडी (1974 AD) ले करिब दुई दशकपछि आफ्नो लोकप्रिय कन्सर्ट सिरिज ‘रक यात्रा’ पुनः प्रारम्भ गर्ने भएको छ । ब्याण्डले यसपटक ‘रक यात्रा’लाई अन्तर्राष्ट्रिय टुरका रूपमा अघि बढाउँदै अष्ट्रेलियाका विभिन्न सहरमा प्रस्तुति दिने भएको हो ।

टुरको औपचारिक घोषणा बिहीवार ललितपुरस्थित मोक्क्ष लाउन्जमा आयोजित पत्रकार भेटघाटमार्फत गरिएको हो । आयोजक रोटेपिङ इन्टरटेनमेन्टका अनुसार टुर आगामी सेप्टेम्बर २३ देखि प्रारम्भ हुनेछ । अष्ट्रेलियाका विभिन्न आठ प्रमुख सहरमा आयोजना हुने टुर सेप्टेम्बर र अक्टोबर महिनासम्म सञ्चालन हुनेछ ।