स्वरूप परिवर्तन गरिएका थप १८ मोटरसाइकल नियन्त्रणमा

पोखरा। जिल्ला प्रहरी कार्यालय कास्की तथा मातहतका निकायबाट सञ्चालित अपरेसन ३६५ अन्तर्गत पोखराका विभिन्न स्थानबाट स्वरूप परिवर्तन गरी ध्वनि प्रदूषण गर्ने थप १८ वटा मोटरसाइकल प्रहरीले नियन्त्रणमा लिएको छ।

प्रहरीका अनुसार बुधबार रातिको समयमा पोखरा महानगरपालिकाका विभिन्न क्षेत्रमा चेकजाँच गर्ने क्रममा ती सवारी साधनहरू नियन्त्रणमा लिई आवश्यक कारबाही प्रक्रिया अगाडि बढाइएको हो।