दक्षिणी थाइल्यान्डमा सुरक्षा चौकीमाथि आक्रमण, ५ जना सैनिकको मृत्यु

बैंकक । दक्षिणी थाइल्यान्डको नाराथिवाट प्रान्तमा विद्रोहीहरूले सुरक्षा चौकीमा गरेको आक्रमणमा ५ जना अर्धसैनिकको मृत्यु भएको छ भने ६ जना सर्वसाधारण घाइते भएका छन् । थाई सेनाका अनुसार यो आक्रमण बुधबार साँझ बुकेटा सामी सुरक्षा चौकीमा भएको हो ।

सैन्य अधिकारीहरूका अनुसार करिब १० जना आक्रमणकारी कालो कपडा र कालो टोपी लगाएर पिकअप गाडी तथा मोटरसाइकलमा घटनास्थल पुगेका थिए । उनीहरूले सुरक्षा चौकीमा खटिएका टास्क फोर्स रेन्जर रेजिमेन्ट–४५ का सुरक्षाकर्मीमाथि स्वचालित हतियारबाट गोली प्रहार गर्नुका साथै पाइप बमसमेत प्रयोग गरेका थिए ।