घुसबापत लिएको ५ लाख रुपैयाँसहित कर अधिकृत युवराज पाल पक्राउ

काठमाडौं । अख्तियार दुरुपयोग अनुसन्धान आयोगले आन्तरिक राजस्व कार्यालय लहान, सिरहाका कर अधिकृत युवराज पाललाई ५ लाख रुपैयाँ घुस रकमसहित पक्राउ गरेको छ । आयोगको बर्दिबास कार्यालयबाट खटिएको टोलीले उनलाई बिहीबार बिहान घुस रकमसहित रंगेहात पक्राउ गरेको हो ।

अख्तियार दुरुपयोग अनुसन्धान आयोग बर्दिबासका कार्यालय प्रमुख रामबहादुर कुरुम्वाङका अनुसार, कार्यालयमै ५ लाख रुपैयाँ घुस बुझ्ने क्रममा उनलाई पक्राउ गरिएको हो ।