के साँच्चै स्पेनका मार्क कुकुरेलाले फिफा विश्वकप २०२६ को ट्रफी फोहोर फाल्ने प्लास्टिकको झोलामा बोकेर लगेका थिए ?

काठमाडौं । न्युयोर्क रङ्गशालाबाट बाहिरिँदै गर्दा स्पेनका खेलाडी मार्क कुकुरेलाले फिफा विश्वकप २०२६ को ट्रफी एउटा प्लास्टिकको गार्बेज ब्याग (फोहोर फाल्ने झोला) मा बोकेको दाबीसहितको भिडिओ सामाजिक सञ्जालमा भाइरल छ । कुकुरेला रङ्गशालाको एक्जिटतर्फ जाँदै गर्दा उनको हातमा एउटा पारदर्शी प्लास्टिकको झोला देखिन्छ, जसभित्र फिफा विश्वकप ट्रफी जस्तै देखिने एउटा सुनौलो ट्रफी रहेको छ ।

भाइरल भिडिओमा कुकुरेलाले एउटा ब्याकप्याक भिरेको र आफ्नो सामान राखेको सेतो रङको पारदर्शी गार्बेज ब्याग हातमा बोकेको देख्न सकिन्छ । ती सामानहरूका बीचमा एउटा ठुलो पहेँलो ट्रफी पनि देखिन्छ, जसलाई धेरैले फिफा विश्वकप २०२६ को सक्कली ट्रफी भएको ठानेका छन् ।