गुठी संस्थानको प्रशासकमा शैलेशराज कुँवर नियुक्त, निर्णयलाई लिएर विभिन्न प्रश्न

काठमाडौं । राष्ट्रिय स्वतन्त्र पार्टी(रास्वपा)को बाचापत्रमा राजनीतिक नियुक्तिमा मेरिटोक्रेसी लागू गर्दै योग्यतमहरुबाट गर्ने उल्लेख छ । तर सरकारले गुठी संस्थानको प्रशासक(सदस्यसचिव)मा विगतका सरकारका पालामा पटक पटक अवसर पाएका विवादास्पद पात्र शैलेशराज कुँवरलाई नियुक्ति गरेको छ । उनी यसअघि पनि गुठी संस्थानका प्रशासक थिए ।

मन्त्रिपरिषदको बुधबार बसेको बैठकले कुँवरलाई गुठी संस्थानको प्रशासकमा नियुक्त गरेको हो । २०८२ भदौ २३–२४ को जेनजी आन्दोलनअघिका भूमिब्यवस्था, सहकारी तथा गरिबी निवारण मन्त्री रंजिता श्रेष्ठले आर्थिक चलखेलका आधारमा कुँवरलाई गुठी संस्थानको प्रशासक नियुक्त गरेकी थिइन् ।