विश्वविद्यालयमा नियुक्ति, सरुवा र बढुवामा अब राजनीतिक दबाब चल्दैन : शिक्षामन्त्री

काठमाडौँ- शिक्षा तथा खेलकुदमन्त्री सस्मित पोखरेलले विश्वविद्यालयमा हुने राजनीतिक हस्तक्षेप अन्त्य गर्दै योग्यता र क्षमताका आधारमा मात्रै नेतृत्व तथा प्रशासन सञ्चालन गरिने बताएका छन्।

बिहीबार त्रिभुवन विश्वविद्यालयको ६७औँ वार्षिकोत्सव समारोहलाई सम्बोधन गर्दै विश्वविद्यालय सभाका उपाध्यक्षसमेत रहेका मन्त्री पोखरेलले आगामी चार वर्षभित्र विश्वविद्यालयलाई राजनीतिक हस्तक्षेपमुक्त बनाउने प्रतिबद्धता व्यक्त गरे।