इंग्लिस मिडफिल्डरहरूको उच्च माग, एकै महिनामा दुईपटक तोडियो ट्रान्सफर कीर्तिमान

काठमाडौं : बेलायती फुटबल इतिहासमा एकै महिनाभित्र दुईवटा कीर्तिमानी स्थानान्तरण (ट्रान्सफर) भएसँगै इंग्लिस मिडफिल्डरहरूको माग र मूल्य आकाशिएको छ । युवा मिडफिल्डरहरू एलियट एन्डरसन र मोर्गन रोजर्सले सबैभन्दा महँगो बेलायती खेलाडीको कीर्तिमान तोड्दै विश्व फुटबलको ध्यान आफूतिर खिचेका छन् ।

ट्रान्सफर मार्केटमा पहिलो हलचल तब मच्चियो जब एलियट एन्डरसन ११६ मिलियन पाउन्डमा नटिंघम फरेस्टबाट म्यानचेस्टर सिटीमा अनुबन्धित भए । तर यो कीर्तिमान धेरै समय टिक्न सकेन । लगत्तै चेल्सीले मोर्गन रोजर्सलाई ११७ मिलियन पाउन्डमा एस्टन भिल्लाबाट भित्र्याउँदै नयाँ कीर्तिमान कायम गर्‍यो ।