आयुर्वेदिक सिल्भर वार्म थेरापी तेलको डुप्लिकेट उत्पादन बेचेको आरोपमा ५ जना पक्राउ

काठमाडौँ । प्रहरीले आयुर्वेदिक सिल्भर वार्म थेरापी तेलको नक्कली उत्पादन गरेको आरोपमा ५ जनालाई पक्राउ गरेको छ । उपत्यका अपराध अनुसन्धान कार्यालयले नक्कली तेलको गोदाममा छापा मारेर ठुलो परिमाणमा तेल पनि बरामद गरेको छ ।

काठमाडौँको कलङ्की, बागबजार र ललितपुरको टीकाथलीमा छापा मारेर नक्कली तेल र प्याकिङ कभर बरामद गरिएको उपत्यका अपराध अनुसन्धान कार्यालयका एसएसपी सन्तोष खड्काले बताए । पक्राउ पर्नेमा प्युठान घर भएका रामप्रसाद पोखरेल, ताप्लेजुङको खेवाङ घर भएका आइतमान ताम्लिङ लिम्बु र उनका भाइ बुद्धिमान ताम्लिङ लिम्बुसहित ५ जना छन् ।