मुख्यमन्त्री कँडेलविरुद्धको अविश्वास प्रस्तावमा शनिबार छलफल हुने

कर्णाली प्रदेशका मुख्यमन्त्री यामलाल कँडेल नेतृत्वको सरकारविरुद्ध प्रदेशसभामा दर्ता भएको अविश्वासको प्रस्तावउपर शनिबार (९ साउन) मा छलफल हुने भएको छ । बिहीबार दिउँसो ३ बजेका लागि प्रदेशसभा बैठक आह्वान गरिएको थियो ।

उक्त बैठकअघि बसेको कार्यव्यवस्था परामर्श समितिको बैठकपछि सभामुख नन्दा गुरुङले सूचना टाँस गरेर शनिबार दिउँसो ३ बजेका लागि बैठक आह्वान गरेकी हुन् । यद्यपि, कार्यव्यवस्था समितिले अविश्वास प्रस्तावलाई संसदमा लैजाने निर्णय भने गरको छैन ।