अब मोबाइल नजोडी आइप्याडबाटै सीधै ह्वाट्सएप अकाउन्ट खोल्न सकिने

काठमाडौं । ह्वाट्सएपले विभिन्न प्लेटफर्मका प्रयोगकर्ताका लागि नयाँ सुविधाहरू सार्वजनिक गरेको छ । नयाँ अपडेटसँगै अब एप्पलका प्रयोगकर्ताले आइप्याडबाटै सीधै नयाँ ह्वाट्सएप अकाउन्ट दर्ता गर्न सक्नेछन् ।

साथै, एप्पल म्युजिक र स्पोटिफाईका गीतहरू सिधै ह्वाट्सएप स्ट्याटसमा सेयर गर्न, कारप्ले तथा एन्ड्रोइड अटोमा सुधारिएको अनुभव प्राप्त गर्न र पीडीएफ फाइलसँग सम्बन्धित नयाँ सुविधाहरू प्रयोग गर्न सकिने भएको छ ।