बदलिँदो विश्व परिवेशअनुसार त्रिविको शैक्षिक संरचना सुदृढ गरिने

काठमाडौँ- त्रिभुवन विश्वविद्यालय (त्रिवि) ले आफ्नो ६७औँ वार्षिकोत्सवका अवसरमा गुणस्तरीय शिक्षा, अनुसन्धान, नवप्रवर्तन र सूचना प्रविधिको प्रभावकारी उपयोगलाई आगामी प्राथमिकतामा राख्दै राष्ट्रिय तथा अन्तर्राष्ट्रियस्तरमा प्रतिस्पर्धी जनशक्ति उत्पादनमा थप केन्द्रित हुने प्रतिबद्धता जनाएको छ।

उपकुलपति प्रा.डा.भोला थापाले वार्षिकोत्सवका अवसरमा जारी गरेको शुभकामना सन्देशमा त्रिविले नेपालको उच्च शिक्षाको अग्रणी तथा ऐतिहासिक प्राज्ञिक संस्थाका रूपमा ज्ञान, सूचना, अनुसन्धान, दक्ष जनशक्ति उत्पादन र राष्ट्रिय विकासमा महत्त्वपूर्ण योगदान पुर्‍याउँदै आएको उल्लेख गरेका छन्।