इप्पानका प्रतिनिधि र भारतीय राजदूतबिच भेटघाट

काठमाडौँ । नेपालका लागि भारतीय राजदूत नवीन श्रीवास्तव र स्वतन्त्र ऊर्जा उत्पादकहरूको संस्था, नेपाल (इप्पान)को नयाँ कार्यसमितिबिच भेटवार्ता भएको छ । भारतीय दूतावासमा भएको उक्त भेटमा दुई देशबिचको ऊर्जा व्यापार र सहकार्यका विषयमा छलफल भएको दूतावासले जनाएको छ ।

भेटका क्रममा इप्पानको प्रतिनिधिमण्डलले नेपाल र भारतबिच बढ्दो सीमापार विद्युत् व्यापार र आयात तथा विद्युत् क्षेत्रमा देखिएको समस्याका विषयमा छलफल भएको छ । हाल दुई देशबिच भइरहेको विद्युत् निर्यातमा नेपालका निजी क्षेत्रका जलविद्युत् आयोजनाहरूको मुख्य योगदान रहेको इप्पानले जनाएको छ ।