दीर्घकालीन सोचसहितको मौद्रिक नीति ल्याउन राष्ट्र बैंकलाई विज्ञहरूको सुझाव

काठमाडौँ । आगामी मौद्रिक नीति अल्पकालीन नभई दीर्घकालीन सोचका साथ आउनुपर्ने विज्ञहरूले जोड दिएका छन् । आइतबार नेपाल आर्थिक पत्रकार संघ (नाफिज) र नबिल बैंकको सहकार्यमा आयोजित ‘डिकोडिङ मोडर्न बैंकिङ फर इकोनोमिक जर्नालिस्ट्स’ कार्यक्रममा बोल्दै आर्थिक क्षेत्रका विज्ञहरूले यस्तो जोड दिएका हुन्।

कार्यक्रममा संघीय संसद्का पूर्व सचिव डा.सुरेन्द्र अर्यालले सरकार र राष्ट्र बैंक दुवैको नेतृत्व अबको ५ वर्ष रहने सम्भावना रहेकाले मौद्रिक नीति पनि ५ वर्षकै दीर्घकालीन सोचसहित आउनुपर्ने बताए।