सप्तरीमा ३ हजार किलो बढी गाँजा बरामद

सप्तरी प्रहरीले प्रतिबन्धित लागूऔषध गाँजा बरामद गरेको छ। जिल्लाको तिलाठी कोइलाडी गाउँपालिका ५ क्षेत्रमा ओसारपसार भइरहेको अवस्थामा ३ हजार ३३२ दशमलव ४६० किलोग्राम गाँजा बरामद गरिएको प्रहरीले जनाएको छ।

प्रहरीका अनुसार हनुमाननगरबाट रामपुर मल्हनियातर्फ जाँदै गरेका तीनवटा सवारीसाधनमा लुकाइछिपाइ गाँजा ओसारपसार भइरहेको सूचनाका आधारमा गरिएको कारबाहीमा उक्त परिमाणको गाँजा फेला परेको हो। घटनामा प्रयोग भएका तीनवटै सवारीसाधन नियन्त्रणमा लिइएको छ भने चालकहरू भने फरार भएका छन्।