नेप्सेमा १४.१७ अंकको वृद्धि, ४ अर्ब ६९ करोडको कारोबार

काठमाडौं । साताको कारोबारको चौथो दिन बिहीबार नेपाल स्टक एक्सचेञ्ज (नेप्से) परिसूचक सकारात्मक अंकले बन्द भएको छ। दिनभर उतारचढावपूर्ण कारोबार भए पनि अन्तिम एक घण्टामा खरिदकर्ताको सक्रियता बढेपछि बजारमा सुधार देखिएको हो।

आज नेप्से परिसूचक १४.१७ अंकले बढेर २,७२६.७२ विन्दुमा पुगेको छ। कारोबार सुरु भएदेखि नै बजारमा उतारचढाव कायम रहे पनि दिउँसोपछि बजारले गति लिँदै अन्त्यमा हरियाली कायम गर्न सफल भएको हो।