बंगलादेश फर्किने शेख हसिनाको घोषणा : मृत्युदण्डको सजायलाई भनिन् ‘गैरकानुनी’

भारत : बंगलादेशकी पूर्व प्रधानमन्त्री शेख हसिनाले आफू यही वर्ष बंगलादेश फर्किने घोषणा गरेकी छन् । सन् २०२४ मा भएको सत्ता परिवर्तनपछि देश छाडेर भारतमा बस्दै आएकी हसिनाले आफ्नो स्वदेश फिर्ती व्यक्तिगत महत्वाकांक्षाको विषय नभई बंगलादेशमा लोकतन्त्र, कानुनी शासन र जनताको राजनीतिक अधिकार पुनः स्थापना गर्ने उद्देश्यसँग जोडिएको बताएकी छन् ।

एनडीटीभीसँगको अन्तर्वार्तामा उनले भनिन्, ‘म सत्ताका लागि राजनीति गर्दिनँ । म बंगलादेशका जनताको हितका लागि राजनीति गर्छु । सबै अवरोध र षड्यन्त्र पार गर्दै म यसै वर्ष आफ्नो देश फर्किने छु ।’