चीनबाट आएको धनियाँ रोक्नु पर्ने कारण बनेको 'खप्रा बीटल' कीरा किन यति खतरनाक?

करिब दुई महिनाअगाडि तातोपानी नाकाबाट चीनबाट आयातित धनियाँमा अन्य असङ्गतिसहित 'खप्रा बीटल' भनिने कीराको अवशेष भेटिएको बताइएपछि करिब ३० टन धनियाँ नाकामै थन्किएको छ।

कृषि मन्त्रालय अन्तर्गत रहेको प्लान्ट क्वारन्टीन तथा विषादी व्यवस्थापन केन्द्रले चिनियाँ पक्षसँग "केही आयात सर्तहरू" निर्धारण गरिएको जनाएको छ। तिनमा शत्रु जीव मुक्त हुनुपर्ने लगायत अन्य दस्ताबेज अपुग भएका विषय पनि रहेको उसले जनाएको छ।