१४ वर्ष अन्तरमा एउटै घरमा धुर्वेले दिएको पीडा, के भन्छ परिवार?

चितवनको सबैभन्दा उदण्ड र नेपालकै सबैभन्दा बदनाम जंगली हात्ती धुर्वे फेरि चर्चाको चुलीमा छ।

कारण — गत असार २० गते राती ११:३० बजे धुर्वेले चितवनको जगतपुर क्षेत्रमा शनिश्चरा बोटेको सानो जस्ताले छाएको घर भत्काइदियो। निकै मत्ता भएको ठानिएको धुर्वे हात्तीको लात्ती र सुँडको तान्डवबीच घरभित्र सुतिरहेका उनकी २१ वर्षीया बुहारी आशिका र चार वर्षीय नाति भरतको मृत्यु भयो।