‘अमेरिकामा कुन पार्टी छन्, नयाँ कि पुराना ? नेपालमा नयाँ र पुरानाको नाममा विभाजन ल्याउन खोज्ने ?’

नेकपा एमालेका अध्यक्ष केपी शर्मा ओलीले नयाँ र पुरानाको नाममा समाजमा विभाजन ल्याउन खोजिएको आरोप लगाएका छन् । नयाँ र पुराना पार्टी भन्ने भाष्य गलत भएको उनले बताए ।

पुष्पलालको स्मृति दिवसका अवसरमा बिहीबार काठमाडौंमा आयोजित कार्यक्रममा ओलीले राजनीतिक दलहरू पुराना नहुने र उनीहरूले समय-समयमा आफूलाई अद्यावधिक गरिरहेको बताएका हुन् ।