देशको हितका लागि निर्णय निर्णय पुनरवलोकन गर्न सरकारलाई एनसेलको अपिल

लामो समयदेखि स्वामित्व विवादमा रहेको निजी क्षेत्रको दूरसञ्चार सेवा प्रदायक कम्पनी एनसेलले देशको हितलाई ध्यानमा राख्दै सरकारले यसअघि गरेका केही निर्णय, तोकिएका सर्त तथा दूरसञ्चार नियमावलीमा गरिएको संशोधन पुनरवलोकन गर्न सरकारसँग आग्रह गरेको छ ।

एनसेलले बुधबार प्रधानमन्त्री तथा मन्त्रिपरिषद् कार्यालयमा पुनः पत्र बुझाउँदै यस्तो अनुरोध गरेको हो । कम्पनीले सरकारका ती निर्णय, नियमावली संशोधन तथा अनुमतिपत्र नवीकरणका क्रममा तोकिएका सर्त विदेशी लगानी र दूरसञ्चार क्षेत्रको हितविपरीत रहेको दाबी गर्दै पुनरवलोकन गरी सम्बन्धित निकायलाई आवश्यक निर्देशन दिन आग्रह गरेको जनाएको छ ।