कांग्रेसमा विज्ञ र क्षमतावानलाई भित्र्याउन ‘ल्याटरल इन्ट्री’

काठमाडौं । नेपाली कांग्रेसका महामन्त्री गुरुराज घिमिरेले बाहिर रहेका विज्ञ र क्षमतावान व्यक्तिहरूलाई पार्टीमा भित्र्याउन ‘ल्याटरल इन्ट्री’को नीतिगत व्यवस्था गरिएको बताएका छन् ।

बीपी कोइरालाको ४४औँ स्मृति दिवसका अवसरमा बिहीबार (साउन ७) आयोजित ‘नवीन परिस्थिति, नवीन संकल्प, नवीन अभियान’ घोषणा कार्यक्रममा महामन्त्री घिमिरेले उक्त भनाई राखेका हुन् । पार्टीको नीतिगत पक्षलाई बलियो बनाउन पार्टीले कदम चालिसकेको महामन्त्री घिमिरेले बताए ।