‘कानुन निर्माण र सुधार वर्ष’ सफल पार्न मन्त्री गौतमको अध्यक्षतामा उच्चस्तरीय समिति

काठमाडौं । कानुन, न्याय तथा संसदीय मामिलामन्त्री सोविता गौतमले ‘कानुन निर्माण तथा सुधार वर्ष’ सफल बनाउन आफ्नै अध्यक्षतामा उच्चस्तरीय समिति गठन गरेकी छन् ।

मन्त्रालयले आर्थिक वर्ष २०८३/८४ लाई ‘कानुन निर्माण तथा सुधार वर्ष’ घोषणा गरेको छ । मन्त्री गौतमको अध्यक्षतामा बनेको समितिमा विषयगत मन्त्री, महान्यायाधिवक्ता, नेपाल बार एसोसिएसनका अध्यक्ष, सर्वोच्च अदालतका मुख्य रजिष्ट्रार, प्रधानमन्त्री तथा मन्त्रिपरिषद्को कार्यालयका कानुन सचिव, सम्बन्धित मन्त्रालयका सचिव, नेपाल कानुन आयोगका सचिव सदस्य रहनेछन् । कानुन सचिवलाई सदस्य सचिव राखिएको छ ।