पूर्वअर्थमन्त्री शैलेन्द्र साहसहित ७ जनाविरुद्ध भ्रष्टाचार मुद्दा

काठमाडौं- अख्तियार दुरुपयोग अनुसन्धान आयोगले मधेस प्रदेशका पूर्वअर्थमन्त्री शैलेन्द्रप्रसाद साहसहित सात जनाविरुद्ध भ्रष्टाचारको आरोपमा विशेष अदालतमा मुद्दा दायर गरेको छ ।

आयोगले बिहीबार सर्लाहीको बागमती नगरपालिकाबाट २०७८ मंसिर २६ गते प्रकाशित ठेक्का प्रक्रियामा अनियमितता तथा भ्रष्टाचार भएको निष्कर्ष निकाल्दै विशेष अदालतमा अभियोग दर्ता गरेको हो ।